उद्दीष्ट

‘पर्यावरण संरक्षणाचा’ प्रश्न ऐरणीवर आला आहे. आता तो सोडवणे हा फक्त एक पर्याय नाही तर ही ‘मानवी अस्तित्वाची लढाई’ बनली आहे.

यासाठी सगळ्यात सोपा आणि महत्वाचा उपाय काय असेल; तर तो म्हणजे या विषयावर ‘संवाद साधणे’, जास्तीत जास्त लोकांपर्यंत पोहोचणे.

आणि, यासाठी भाषेइतकं प्रभावी माध्यम कोणतं असेल?

नेल्सन मंडेला म्हणतात तसं, ‘ तुम्ही लोकांशी त्यांना समजणार्‍या भाषेत बोललात तर तो संदेश त्यांच्या मेंदुपर्यंत जातो; पण जर तुम्ही लोकांशी त्यांच्या ‘मातृभाषेत’ बोललात तर तो त्यांच्या हृदयापर्यंत पोहोचतो!’

मराठी खरं तर ८३.१ दशलक्ष लोकांची मातृभाषा;

पण त्या मानाने आपल्या भाषेत ‘पर्यावरणाशी’ संबंधित माहिती मात्र अगदीच तुटपुंजी.

म्हणूनच पर्यावरणविषयक माहिती, त्या संबंधित विविध सेवा आणि उत्पादनांसाठी खास ‘मराठी’ व्यासपीठ उपलब्ध करून देण्याचा आमचा प्रयत्न आहे.

सर्वांच्याच एकत्रित प्रयत्नांतून पर्यावरणविषयक हालचालींना वेग यावा हाच आमचा निखळ हेतू!

या व्यासपीठाचा लाभ घ्या. आमच्या या मोहिमेत सामील व्हा.

धन्यवाद!